Les mots surlignés font l'objet d'une note
1Reçue à Grenoble le 07 janvier 1573
2Monseigneur, ce jourdhuy second de janvier presente
3année 1573 en exequution de voz lettres et mandementz et
4commissions à moy donnez sur la publication et
5l’alienation des biens de ceux de la nouvelle opinion
6dont s’agist suyvant les eedictz de sa maiesté,
7je me suis enquis des consulz de la presente ville de
8Brianson et aultres particuliers, mesmes du
9capitaine Marc Virgile qui, avoir ouy
10la lecture de ce que dessus, m’a dict que
11en tout notre bailliage de Brianson ne y avoit aulcun
12qui se fut absenté à loccasion des derniers troubles
13ny des comprins et subiectz à la allienation de
14leurs bien et quant jaurey bien cerché que je treuverès
15son dire veritable. Neanmoins, ce jourdhuy mesmes et
16aultres de marché plus proches que sera jeudy
17Dieu aydant, je feray faire la publication qu’il
18vous a pleu me commander et me informerey de
19tous aultres consuls de ce baillaige ou aultrement
20mieux que pourray pour veriffier si ie treuverois
21quelqung de subiectz à la susdite alienation pour y
22proceder et en advertir du tout votre seigneurie,
23le plus tost appelle en tout le substitut du sieur
24procureur general du roy et aux moindres fraiz que se
25pourra faire, suppliant très humblement votre dite seigneurie
26me vouloir commander et donner advis si je doibz
27proceder oultre extraordinairement contre ceux
28de ladite nouvelle oppinion que despuis les eedictz
29prohibitifz ont faict, assité et enduré prèches
30et assemblées prohibez comme ja on a esté informé.
31Vous advertissant au surplus que tout le monde
32se contient en paix en cedit baillaige et se contient
33[1v°] en obeissance à sa mageste et vostre, ensemble
34de messeigneurs du parlement et du tout ceux
35qui ont auctorité commander soubz elle saufz les
36susdits contrevenantz. Faisant par ce moyen fin à la
37presente par l’humble et très affectionée requête
38que je presente à Dieu pour voz prosperitez et acompagnés
39de mes très hunbles recommendations à votre très puissante
40seigneurie. De Brianson comme dessus.
41Votre très humble et très hobeissant
42serviteur
43Chalhol